Mətanət İsgəndərli məhkəməyə çağırıldı (YENİLƏNİB)
Bizi izləyin

Magazin1

Mətanət İsgəndərli məhkəməyə çağırıldı (YENİLƏNİB)

Mətanət İsgəndərlinin MTN generalı Akif Çovdarovun məhkəməsində iştirak edəcəyi ilə bağlı yayılan xəbərə qarşı tərəf cavab verib.

Publika.az-a açıqlama verən müğənninin mətbuat katibi sənətçininin bu barədə məlumatsız olduğunu deyib: “Hazırda Mətanət xanım ailəsi ilə birgə qurban bayramını qeyd edir. Ona məhkəmədən heç bir çağırış vərəqəsi gəlməyib. Müğənni bu barədə məlumatsızdır”.

Müğənninin bacısı Təranə İsgəndərova isə bu barədə danışmaq istəmədiyini bildirib.

***

Müğənni Mətanət İsgəndərlinin MTN generalı Akif Çovdarovun məhkəməsində iştirak edəcəyi gözlənilir.

Buna səbəb ABU-nun rektoru Elşad Abdullayevin qardaşı Mahirlə Mətanətin münasibətlərinə görə Çovdarovun pul tələb etməsidir.

Eyni zamanda, Mahirin oğurlanmasının təşkilində Mətanətin rolunun olduğu iddia edilir. Bu ittihamları Mahirin qardaşı açıqlamalarında səsləndirib.

Mahir Abdullayevlə Akif Çovdarov arasında 2003-cü ilin əvvəllərində Rusiyanın Sverdlovsk Vilayətinin Verxuturye şəhərində generala məxsus taxta-şalban zavodunun alınması ilə bağlı sövdələşmə olub. Çovdarov Abdullayevə 300 min dollar borclu qalıb. Mətanət İsgəndərli Çovdarovla əlbir olub

E.Abdullayevin açıqlamasına görə, Çovdarovun Mahirdən Hacı Məmmədova məxsus “Qarabulaq” restoranında müğənni Mətanət İsgəndərli ilə “sərgüzəştləri” ilə bağlı 2 milyon dollar tələb etdiyi iddia edilir.

E.Abdullayev yuxarıda sadalanların müqabilində qardaşını bir neçə dəfə oğurlamaq cəhdinin baş tutmadığını və nəhayətdə, “Akif Çovdarov qardaşımı müğənni Mətanət İsgəndərlinin əli ilə aldadaraq 13 oktyabr 2003 ildə Bakı şəhərində şəxsən paqonlu bandasının əli ilə oğurladıb”.

E.Abdullayev qardaşının oğurlanmasında iştirak edən milli təhlükəsizlik nazirinin birinci müavini Hilal Əsədovun qohumu Sənan İbrahimovun, Akif Çovdarovun biznes və cinayət ortağı Qulu Cəfəro, Rövşanə və digərlərinin adını da çəkib.

Politika.az xəbər verir ki, sabiq rektorun ifadələri məhkəmə üçün əsas ola bilər. Çovdarovun məhkəməsində tanınmış müğənninin iştirak edəcəyi istisna edilmir.

Cəvahir

Oxumağa davam et
Reklam
Reklam

Gündəm