Yay fəsli girəndən doğulduğu İsmayıllı rayonunun Buynuz kəndində dincələn Musa Yaqub Bakı və dostları üçün darıxdığını deyib:
“Üç aydan artıqdır ki, Buynuzda dincəlirəm. Təbiət mənə yeni şeirlər yazdırdı. Amma artıq darıxmağa başladım. Şair dostum Ramiz Rövşən də qızına toy etdi, rayonda olduğum üçün gedə bilmədim. Açığı dostlarım üçün də qəribsəmişəm. Bir həftə də Nabranda istirahət elədim. İndi də Bakı məni çağırır. Ürəyimi ağ vərəqlərə boşaltmışam, gəlirəm, özü də əlidolu”.
Şair səhhəti ilə də bağlı danışıb: “Bərk istiilərdə təzyiqim yüksəldi, narahatlıqlarım oldu, amma indi özümü yaxşı hiss edirəm. Görək sonrası necə olur”.
Cəvahir
