Magazin1

Xalq artisti saç rəngləyən kişi həmkarlarını MÜDAFİƏ ETDİ

21 Sentyabr 2017 16:00

“Mən saçıma boyanı vurdurandan sonra Faiq Ağayevliyimi itirmirəm”.

Publika.az xəbər verir ki, bu sözləri “Show time” verilişində qonaq olan Xalq artisti Faiq Ağayev deyib. O, plastik əməliyyat keçirdiyinə, saç rənglədiyinə görə tənqid olunan kişi müğənnilərimizin müdafiəsinə qalxıb: “Təzyiqlər görmüşəm. Daha sonra təzyiqləri edənlər öz səhvlərini anlayıblar. İncəsənət tam başqa bir sahədir. Biz daha qabarıq, daha rəngarəng olmalıyıq. Səhnə cavanlığı sevir. Bizim tamaşaçıların, əhalinin mühafizəkar hissəsi var. Onlar ümumiyyətlə dəyişikliklərə yox deyirlər. Bax, onların xoşuna gəlmək üçün deyirlər. Tutaq ki, sən mentallığa uyğunsan, bəs sənin oxuduğun nədir? Bir qəpik qiyməti də yoxdur. Səhnə geyimin, səhnə danışığın sıfırdır. Mentallığı sənətlə bağlamaq olmaz. Məsələn sırğa. Siz Babəkin, Peyğəmbərin, imamların şəklinə baxın. Kim bunu deyirsə, sənətə səhv gəlib”.

Pərviz Hüseyn