Azərbaycanlı aktyor Rövşanədən şikayət etdi: “AYIBDIR”
Bizi izləyin

Magazin1

Azərbaycanlı aktyor Rövşanədən şikayət etdi: “AYIBDIR”

Tanınmış aktyor Elnur Kərimov sosial şəbəkədə aparıcı Rövşanə Bektaşidən şikayət etdiyini bildirib.

Publika.az xəbər verir ki, o, ARB kanal rəhbərliyinə müraciət edərək bunları yazıb:

“Aparıcı ya peşəkar olmalıdır, ya da olmamalıdır. Mövzunu eşidən kimi dərhal reaksiya verdim. İlk növbədə teatrdan danışmaq üçün onu tanımalısan. Məlumatın olmalıdır ki, teatr sahəsində hansı islahatlar, qastrollar, tamaşalar var.

Danışılan mövzu və “Bu, mənim şəxsi fikrimdir” deyərək düşüncəsizcə danışmaq ayıbdır. Qonaqlarına danışmağa imkan verməyən aparıcı deyir ki, Azərbaycanda fəaliyyət göstərən Şuşa, İrəvan və Gənc Tamaşaçılar Teatrı kiçik olduğu üçün bağlanmalıdır. Mən də dərhal ARB kanalının “Səhər-səhər” proqramının prodüseri ilə əlaqə saxlayıb, narazılığımı bildirdim. Amma Əhməd Ağdamskini tanıması məni bir az rahatlatdı ki, heç olmasa onu tanıyır”.

Qeyd edək ki, aktyorun etirazına səbəb Rövşanə Bektaşinin canlı yayımda teatrlara “ilişməsi” olub.

Pərviz Hüseyn

Oxumağa davam et
Reklam
Reklam

Gündəm