Magazin1

Rekord qıran filmin ULDUZU BAKIDA - FOTO/VİDEO

26 Noyabr 2019 11:48

Nizami Kino Mərkəzində dünən Türk Film Həftəsinə start verilib.

Publika.az xəbər verir ki, festival çərçivəsində türkiyəli prodüser və rejissor Önər Kılıç, rejissor Şükrü Alaçam, AK Parti Ordu millət vəkili Metin Gündoğdu, son günlər izlənmə rekordu qıran "7. Koğuştakı mucize" filminin azyaşlı siması Ova - Nisa Sofiya Aksungur Bakının qonağı olub.

Türk Film Həftəsinin açılışından əvvəl təşkil edilən mətbuat konfransında iştirak edən azyaşlı aktrisa jurnalistlərin suallarını cavablandırıb:

"Azərbaycanda filmin bəyənildiyini bilmək əlbəttə ki, xoşdur. Bu film dünyada nə qədər çox izlənsə, bir o qədər çox sevinərik. "7. Koğuştakı mucize" bir ailənin həyat hekayəsindən bəhs edir".

Xatırladaq ki, Türkiyədə 4 milyondan çox izlənmə rekordu qıran "7. Koğuştakı mucize" dram filmini bu günə qədər Bakıda 101 min 500 nəfər izləyib.