• USD 1,7000 0,00% EUR 2,0193 +0,19%
    • GBP 2,3709 +0,14% RUB 0,0232 +0,43%

Aybəniz Haşımova Aynişanın qalmaqallı fotolarından danışdı: “Onların məqsədi...”

  • Magazin1
  • 28 İyul 2020 11:51
  • 3 386 Baxış
Aybəniz Haşımova Aynişanın qalmaqallı fotolarından danışdı: “Onların məqsədi...”

Əməkdar artist Aybəniz Haşımova qızı Aynişan Quliyevanın illər əvvəl erməni musiqiçi Narek Makaryanla çəkilən şəkillərinə aydınlıq gətirib.

Publika.az xəbər verir ki, müğənni həmin paylaşımların ona qarşı təxribat adlandırıb. Xaricdə festivallardan birində lentə alınan foto haqqında danışan artist qızının ünvanına deyilən ittihamları qəbul etməyib:

"Qızımla bağlı çox tez-tez sosial şəbəkələrdə paylaşılan məlum fotoları özümə qarşı 10 ilə yaxındır aparılan təxribatın davamı hesab edirəm. Hər dəfə həqiqəti deyəndə, dövlətimizin və xalqımızın maraqlarını qorumaq üçün çıxış edəndə, müəyyən qruplar qədirbilən xalqımızın səmimi vətənpərvərlik hisslərindən istifadə etməyə çalışaraq, qızımla bağlı olan fotoları paylaşır. Məqsəd məni susdurmaq, həqiqətləri deməkdən çəkindirməkdir. Bu 10 ildir davam edir. Lakin XX əsrin əvvəllərində doğma dədələri ermənilər tərəfindən soyqrıma məruz qalmış, daha sonra həyat yoldaşı Vətən uğrunda şəhid olan Aybəniz Haşımova susa bilməz. Aybəniz Haşımova bacardığı hər formada erməniləri ifşa etməyə çalışır. Dünyanın müxtəlif ölkələrində öz imkanları hesabına Xocalı soyqırımını tanıtma tədbirlərinə, erməniləri ifşa aksiyalarına qatılır. Çıxış edir, musiqinin dili ilə erməni vəhşiliklərini, Qarabağda yaşanan dəhşətləri anlatmağa çalışır.

Bildirmək istəyirəm ki, bu foto xarici ölkələrdən birində beynəlxalq festival çərçivəsində çəkilib. Bir an foto çəkdirmək lazım gəldiyində Ermənistanda doğulmayan, atası rus, anası erməni olan iştirakçı qəfil formada qızım Aynişanın yanında dayanıb və foto paylaşılıb. Əlbəttə, bütün hallarda mənfur düşmənimizi təmsil edən şəxslə eyni fotoda olmaq qətiyyən xoş deyil. Üstəlik də, atası Azərbaycanın ərazi bütövlüyünü qorumaq üçün şəhid olan bir qız-Aynişan və mənim üçün. Ancaq biz həmin an üçüncü ölkənin ərazisində beynəlxalq festivalda olmuşuq. Həmin an hər hansı başqa hərəkət bizim beynəlxalq imicimizi zədələmək üçün mənfur düşmənlərimizin əlinə səbəb verə bilərdi. Biz o festivalda dəfələrlə Azərbaycan bayraqları ilə səhnədə çıxış edib, Vətənimizi tərənnüm etmişik. Təəssüf ki, bundan danışan çox azdır...

Məlum festivalda Azərbaycan səfirliyi və diasporunun nümayəndələri iştirak edib. Baş verənlər onların gözləri qarşısında olub. Bu fotolar illərdir tirajlanır, hesab edirəm ki, lazımi dövlət qurumları da təbii olaraq, araşdırıb.

Bu məni narahat etmir. Azərbaycan xalqı və dövləti məni yaxşı tanıyır. Həyat yoldaşı, qızının atası bu torpaqlar uğrunda şəhid olan bir ailəyə qarşı belə ittihamlar irəli sürmək insanlıq deyil".

Məlumat üçün bildirək ki, əməkdar artistinin qızı Aynişanın erməni müğənni ilə fotolarının yayılması onun Sevinc Osmanqızına ünvanladığı video müraciətindən sonra yenidən gündəmə gəlib. Sevinc Osmanqızı haqqında "Əgər atanızı tanımasaydım, azərbaycanlı olduğunuza şübhə edərdim" deyən əməkdar artist onun Amerikada və digər ölkələrdə ermənilərin azərbaycanlılara hücum etməsinin günahını soydaşlarımızda görməsini qəzəblə qarşılaşdığını bildirib.

Halal Nemət

Xəbər lenti

DAHA ÇOX XƏBƏR