Kəmalə Günəşli heç vaxt üzünü göstərmədiyi qızından danışdı - VİDEO

Müğənni Kəmalə Günəşli şəxsi həyatı ilə bağlı diqqət çəkən açıqlama verib.

Publika.az Milli.az-a istinadən xəbər verir ki, Günəşli indiyədək qızını qəsdən ictimaiyyətdən uzaq saxladığını və onun sosial şəbəkələrdə görünməsinə icazə vermədiyini bildirib.

Kəmalə Günəşlinin sözlərinə görə, bir vaxtlar qızını izləyicilərinə göstərmək istəsə də, sonradan bu fikrindən daşınıb. O, övladının sağlam və hər şeyin qaydasında olduğunu, lakin şəxsi həyatını göz önündə yaşamasını istəmədiyini vurğulayıb.

İfaçı qeyd edib ki, qızının nə "TikTok", nə də "Instagram" hesabı var və buna özü icazə verməyib. Oğlu isə oğlan olduğu üçün sosial mediada görünməsinə etiraz etmədiyini deyib.

Müğənni əlavə edib ki, qızı indiyədək heç bir televiziya proqramına çıxmayıb və onu məktəbdəki müəllimlər, sinif yoldaşları və qonşularından başqa demək olar ki, heç kim tanımır.

Kəmalə Günəşlinin bu etirafı sosial şəbəkələrdə maraqla qarşılanıb və izləyicilər arasında geniş müzakirələrə səbəb olub.