Zaur qızını belə təbrik etdi - VİDEO

Zaur və Günay Baxşəliyevlərin qızı Dilavərin 13 yaşı tamam olub.

Publika.az xəbər verir ki, aparıcılar bu barədə "Instagram" hesablarında paylaşım ediblər.

Onlar qızlarını bu sözlərlə təbrik ediblər:

“Dilavər... Bu gün həyatımıza gəlişinin 13-cü ildönümüdür. Elə bil dünən səni ilk dəfə qucağımıza almışdıq. Zaman necə də sürətlə keçir... İndi isə qarşımızda arzuları, xəyalları və məqsədləri böyüyən gözəl bir gənc qız dayanır.

Sən bizim ən böyük qürurumuz, ən şirin sevincimiz və həyatımıza gələn ən dəyərli hədiyyəsən. Arzu edirik ki, qəlbin hər zaman sevgi ilə dolu olsun, yolun daim işıqlı olsun.

Allah səni sağlam, xoşbəxt, bəxti gözəl, vicdanlı və mərhəmətli bir ömürlə mükafatlandırsın. Bütün arzuların ürəyincə olsun.

İllərdir ad gününü hər dəfə başqa bir ölkədə qeyd etmək bizim ən sevdiyimiz ailə ənənəsinə çevrilib. Amma harada olmağımızdan asılı olmayaraq, bizim üçün ən qiymətli olan sənin sevincin, gülüşün və xoşbəxtliyindir. Allah bütün balaları qorusun. Amin!”