Zaur Baxşəliyev verilişinin bağlanma səbəbindən danışdı - VİDEO

Teleaparıcı Zaur Baxşəliyev "Bizimləsən" verilişinin bağlanma səbəbindən danışıb.

Publika.az xəbər verir ki, canlı yayım zamanı aparıcı, izləyicilərin proqramın bağlanması ilə bağlı verdikləri suallara aydınlıq gətirib:

"Veriliş niyə bağlanır? Vallah mən bilmirəm. Televiziyanın rəhbəri deyir ki, "bağlayıram". Bağlayırsan, Allah canını sağ eləsin. İndi deyir səni başqa cür görmək istəyirəm. Deyirəm: "Lap yaxşı, Allah canını sağ eləsin."

Mənim yadımdadır, hətta evlilik proqramını biz aparırdıq, Vüqar Qaradağlı televiziyaya gələndə dedi: "Zaur, mən səni başqa ampluada görmək istəyirəm, belə evlilik ab-havasında görmək istəmirəm, ona görə də evliliyi bağlayıram". Dedim: "Tamam, bağlayın." Onda mən də ciddi bir veriliş açaram, "Ümid var"ı açdıq, yadınızdadır.

Ondan sonra "Ümid var" da bağlandı, sonra "Öz aramızda" oldu. "Öz aramızda"dan sonra "Bizimləsən" oldu. İndi rəhbərlikdir, deyir ki, "mən bizimləsən istəmirəm, sabah sizinləyəm istəyirəm, Zaur, mən səni burada görmək istəyirəm".

Zaurun dədəsinin mülkü deyil ki, televiziya. Elədir, elə deyil?" deyə aparıcı bildirib. (Milli.Az)