Magazin1

Müğənni qəzəbləndi: “Toy mahnılarını efirə gətirməsinlər”

17 Aprel 2015 18:20

Müğənni Eldar Ələkbərov aparıcılardan gileylənib.

Publika.az-ın məlumatına görə, müğənni “Space”in “Günaydın” verilişində sənətçilərin məcburiyyət qarşısında toy musiqilərinə üstünlük verdiyini deyib:

“Baxıram ki, zövqlər sıfıra enib. Son zamanlar toy şənliklərində tez-tez oluram. Qonaq getdiyim toylarda 400-500 nəfər birdən-birə ortaya düşüb oynayır. Deyirəm ki, kaş oynamağa belə maraq göstərdikləri qədər də musiqiləri dinləməyə həvəsli olaydılar. Toy o demək deyil ki, hamı ortaya düşüb oynasın. Düşündürən musiqilərə də qulaq asmaq lazımdır. Amma efirə çıxan kimi bizdən toy musiqiləri istəyirlər. Mən də məcbur qalıb onların istəyinə uyğun mahnılar oxuyuram. Amma əsl sənət əsərlərini ifa etməyə imkan vermirlər. Heç olmasa, toy mahnılarını efirə gətirməsinlər”.

Qeyd edək ki, “Günaydın” verilişi həftə içi 5 gün Vüsalə Kərimovanın təqdimatında “Space” telekanalında yayımlanır.

Cəvahir