Magazin1

Səidə Sultan canlı efirdə özünü itirdi – FOTOLAR

14 May 2015 18:10

“Əsl şou” verilişinin aparıcısı dəyişib. Hətta bundan verilişin digər aparıcısı Səidə Sultanın da xəbəri olmayıb. Tamaşaçılarla salamlaşan müğənni qəfil studiyada kənar bir şəxs görüb. Özünü itirən müğənni “Sən kimsən? Burda nə işin var? Novruz haradadır?” deyə suallar verməyə başlayıb.

Verilişdə məlum olub ki, “Əsl şou” verilişini bundan sonra Elgün Camal ilə Səidə Sultan birlikdə aparacaq.

Verilişin əvvəlki aparıcısı Novruz İsmayıl da qonaq qismində çıxış edərək olanları şərh edib.

“Artıq şou xarakterli verilişdə olmayacağam. İnformasiya verilişində olacağam. Tam təfərrüatları açıqlamaq istəmirəm. Qoy bir az sirr qalsın. Artıq yeni layihə üzərində işlər gedir”.

Qeyd edək ki, “Əsl şou” verilişi həftə içi 5 gün saat 11:00-da Elgün Camal və Səidə Sultanın təqdimatında “Space” telekanalında yayımlanır.

İsa Şükürov