Magazin2

Onun 59 yaşında olduğuna heç kim inanmır - FOTOLAR

18 Sentyabr 2015 02:55

59 yaşlı məşhur model Yasmina Rossi, sadəcə öz yaşıdlarını deyil, gəncləri də özünə heyran qoyur. Bir çox modelin 30 yaşdan sonra karyerasına son qoymasına baxmayaraq, Yasmina hələ də aktiv modelliklə məşğul olur. Fiqurası 30 yaşlı modellərdən seçilməyən Yasmina Rossi hazırda “Marks & Spencer”, “Hermes and Macy’s” kimi bir çox məşhur brendlərlə əməkdaşlıq edir.

Model “Sunday Times”a verdiyi müsahibədə gənc qalmasının elə böyük bir sirri olmadığını desə də, bir neçə nüansı vurğulamağı özünə borc bilib: “Həmişə təbii qidalar yemişəm. Tərkibində heç bir kimyəvi maddə olmayan, təmiz qidalar yeyərək sağlam qalmağı bacarmışam. Dərimə isə yağlarla qulluq etmişəm. İndi də hər gün üzümə və bədənimə yağ çəkirəm. Saçlarıma da yağlarla qulluq edirəm. Həftədə bir dəfə yağ və şəkər tozunu qarışdıraraq pilinq edirəm. Gənc qalmağımda hər gün yediyim avokadonun da təsiri olduğunu düşünürəm”.

Ləman Sultan