Magazin2

“Christian Dior” moda evinin kreativ direktoru vəzifəsindən getdi

24 Oktyabr 2015 09:14

“Christian Dior” moda evinin kreativ dizayneri Raf Simons 3 illik əməkdaşlıqdan sonra vəzifəsindən istefa verib.

Publika.az Rusiya mətbuatına istinadən xəbər verir ki, onun bu addımı gözlənilməz olub. Moda evinin məxsus olduğu “LVMH” holdinqin nümayəndəsi bildirib ki, belçikalı dizayner şəxsi səbəblərə görə belə qərar qəbul edib.

Simons özü də mətbuata verdiyi açıqlamada qərarını şəxsi işləri ilə əlaqələndirib. Belə ki, o, şəxsi brendini qurmaq niyyətində olduğunu açıqlayıb.

Belə çıxır ki, oktyabrın əvvəllərində Parisin Luvr Muzeyində nümayiş olunan kolleksiya modelyerin moda evi ilə əməkdaşlıq çərçivəsində sonuncu işi olub.

Raf Simonsu kimin əvəzləyəcəyi hələlik məlum deyil.

Xatırladaq ki, İv Sen-Loran, Mark Boan, Canfranko Ferre, Con Qalyano, Bill Geyten moda evinin kreativ dizayneri olublar. Raf Simons isə bu vəzifədə 2012-ci ildən çalışırdı.

Aytən