Cazibədar aktrisa Serenay Sarıkaya ilə sevgilisi Kərəm Bürsin Spaya gedərkən görüntüləniblər.
Publika.az xəbər verir ki, ötən gün əməliyyat olunduğu və sinəsindəki silikonu yenilətdiyi iddia edilən Serenay Sarıkaya bu dedi-qodulara cavab verib. Sevgilisinin əlini bir an olsun buraxmayan gözəl ulduz: “Əməliyyat olundum. Amma sağlamlıqla bağlı problem idi. Kist var idi, onu götürdülər. Silikon əməliyyatını illər öncə etdirmişəm”.
Qeyd edək ki, cütlüyün spa zamanı kitab oxumağı belə əvvəlcədən planlaşdırdıqları da diqqət çəkib. Belə ki, həm Serenayın, həm də Kərəmin əlində kitab olub. Kərəm Bürsin oxumaq üçün Karmin Qallonun “TED kimi danış” kitabına üstünlük verdiyi halda, Serenay əfsanəvi aktrisa Sofi Lorenin “Dünən, bu gün, sabah - bütün həyatım” adlı avtobioqrafik kitabını seçib.
Kərəm Bürsin daha öncə də dəfələrlə əlində kitabla görüntülənib.
Ləman Sultan
