Recep İvedik rolu ilə məşhurlaşan Şahan Gökbakar xanımı Selin Gökbakar haqqında danışıb.
Publika.az Türkiyə mətbuatına istinadən xəbər verir ki, baş rolda Ş.Gökbakarın oynadığı filmin dünən Türkiyədə qala gecəsi keçirilib. Film bir neçə gündən sonra Azərbaycan kinoteatrlarında da nümayiş olunacaq.
Aktyor qala gecəsindən əvvəl instaqram hesabında xanımının videosunu paylaşıb. O, videoda xanımından onu tərifləməsini istəyib. Selin Gökbakar isə həyat yoldaşının istədiyini yerinə yetirərək Şahan Gökbakarı ağızdolusu tərifləyib:
"Ərimi çox sevirəm, onunla fəxr edirəm. "Rəcəb İvedik 5” çox yaxşı film oldu. Şahan həmçinin mükəmməl bir ata və ərdir".
Şahan Gökbakar isə Selin Gökbakarı təriflərinə belə cavab verib:
"Hər uğurlu kişinin arxasında sənin kimi xanımın olması lazımdır".
2015-ci ildə evlənən cütlüyün 2 yaşında bir oğlu var. Cütlük səbirsizliklə ikinci övladının da dünyaya gəlməsini gözləyir.
Xatırladaq ki, Şahan Gökbakarın oynadığı "Recep İvedik 5” adlı filmindəki boks səhnələri Azərbaycanda böyük səs-küy yaradıb. Bu səbəbdən də aktyor azərbaycanlı və türk idmançı arasındakı boks səhnələri çıxartmağa qərar verib.
Aytən
