"Çukur" serialında SÜRPRİZ LAYİHƏ

Türkiyənin fenomen seriallarından birinə çevrilən “Çukur” serialında “Aliço” obrazını canlandıran Rıza Kocaoğlu autizm sindromlu uşaqlarla bir araya gəlib.

Publika.az xəbər verir ki, serialda autizmli bir xarakteri canlandıran aktyor autizm haqqında düşüncələrini paylaşıb.

“Həyatımın ən gözəl təcrübələrindən birini yaşadım. Onların sevgisini hiss etmək möhtəşəm duyğudur. Autizmi bilmək və bu sindromu daşıyan insanlara yardım etməklə biz onları cəmiyyətin içinə daxil edə bilirik. Bu son gəlişim deyil. Onlarla yenidən görüşəcəyik və serialın mövsüm finalında autizmlə bağlı sürpriz layihə hazırlayacağıq”.

Qeyd edək ki, autizm insan ömrünün ilk 3 ilində ortaya çıxan bir sindromdur. Bu xəstəliyin daşıyıcıları əqli baxımdan geri qalır, başqaları ilə göz təması qurmur, barmağı ilə istədiyi şeyi göstərə bilmir, yerində hərəkət etməyi sevir, fırlanan nəsnələrə böyük maraq göstərir və çırpınmağı sevir. Bu sindromun tək çarəsi vaxtında düzgün diaqnoz qoymaqla davamlı, sürətli və özəl şəkildə təlim verməkdir.

Zümrüd