Magazin2

Xərçəngdən əziyyət çəkən Aksoyun SON DURUMU - VİDEO

4 İyul 2021 15:53

Türkiyənin məşhur serialı "Arka Sokaklar"da "Volkan komissar" obrazını canlandıran Boğaç Aksoyun səhhətində irəliləyiş var.

Publika.az xəbər verir ki, bir müddətdir qan xərçəngindən müalicə alan Aksoy İnstaqramda paylaşdığı video ilə səhhətinin yaxşılaşdığını söyləyib.

"Test nəticələrim çıxdı, şişlərin çoxu itib. Təsviredilməz bir duyğudayam. Mübarizəmiz hələ bitməyib, ancaq çox az şey var, Allahın izni ilə onu da məğlub edəcəyik. Həyatda kim olmağınızdan asılı olmayaraq yıxıla bilərsiniz, ancaq necə qalxacağınızı və davam etməyinizi bilməlisiniz. Gücümü yenidən kəşf etdim. Yeni səhifə açıb həyatımı, işimi və sevdiklərimi dörd qolumla qucaqlayacağam. Bu dövr insanlara inanılmaz bir şüur gətirir. Möhtəşəm, çətin, lakin unudulmaz bir təcrübə idi. Şükürlər olsun ki, müalicə yaxşı nəticə verdi. Hazırda məndən xoşbəxti yoxdur. Hamınız Allaha əmanət olun, əzizlərim, dualarım sizinlədir, sizin duanız da mənim olsun", - aktyor qeyd edib.