Magazin2

Məşhur aktyor hoteldə yaşamağa qərar verdi

1 Oktyabr 2021 11:23

Bodrumda yaşayan məşhur aktyor Nejat İşler İstanbula köçməyə qərar verib.

Publika.az Türkiyə mətbuatına istinadən xəbər verir ki, aktyor “NeyseNe” kanalında yayımlanan “Caner Özyurtlu ile Loş Sohbetler” verilişində qonaq olub. Hoteldə yaşamaqdan məmnun olduğunu dilə gətirən sənətçi şəxsi həyatına dair verilən sualları cavablandırıb:

“İki qardaşım uşağı var, onlara miras qoymaq istəyirəm. Əslində, bir qədər bu səbəbdən çalışıram. Mən nə cürsə yaşaya bilərəm. Lüksüm yoxdur. Hərdən ölkədən kənara çıxıram, səyahət edirəm. O qədər. Əşyalarım qutuların içində dostlarımın evindədir. Çox deyil, iki sandıq. Çox əşya almıram. Bu, özümü yarımçıq deyil, əksinə, daha özgür hiss etdirir. Bu qərarı verməyim qəribə oldu. Evim anbar kimi idi, ondan qurtuldum, dizayn etməmişdim. Yavaş-yavaş kiçilməyə başladım. Nəhayət ki, hər şey bir çantaya sığdı. Bir şeyə ehtiyacım olsa, gedib alaram, nə olacaq?”