Magazin2

Məşhur Xalq artisti vəfat etdi - FOTO

22 Noyabr 2021 12:20

Rusiyanın Xalq artisti Nina İvanovna Ruslanova dünən gecə 76 yaşında, uzun sürən xəstəlikdən sonra vəfat edib.

Publika.az xəbər verir ki, bu barədə Rusiya Kinematoqrafçılar İttifaqı məlumat yayıb. Yüzdən çox filmdə rol alan aktrisa Rusiya Kinematoqrafiya Sənəti Akademiyasının, Rusiya Milli Kino Sənəti və Elmləri Akademiyasının üzvü olub.

“Ağ qu quşlarını vurma”, “Budulayın qayıdışı”, “Kin-dza-dza!”, “İt ürəyi”, “Qış albalısı 2” və “Qış albalısı 3”, “Əfqanıstanın dağılması” filmləri xüsusilə məşhurdur. Gəncliyində Vaxtanqov Teatrında, sonra isə Vl. Mayakovski Teatrında çalışıb.

Qeyd olunub ki, COVID-19 diaqnozu ilə xəstəxanaya yerləşdirilən atrisanın nəfəsalma problemi olsa da, o, xəstəxanada qalmaqdan imtina edib. Nəticədə onu xilas etmək mümkün olmayıb.