Magazin2

Məşhur menecerin qalmaqalına Edisin də adı qarışdı: 100 min dollarlıq təklif

17 Yanvar 2025 18:06

Türkiyədə məşhurların meneceri olan “ID Consultancy Limited Company”nin təsisçisi Ayşe Barımla bağlı iddialar gündəmdən düşmür.

Publika.az xəbər verir ki, prodüser və aktrisa Jandae Perçem də qalmaqallı açıqlamalar verib.

O, müğənni Edislə baş rolu paylaşdığı "Alya" filmindən və keçdiyi prosesdən danışıb:

“Edisdən heç bir sənəd almadığımız üçün işlərə başlaya bilmədik. Bir gün vəkilimlə danışarkən Ayşe Barım zəng etdi. O dedi ki, Edis filmdə özünü bəyənməyib. Deyib ki, 100 min dollar verim, filmi mənə satsınlar. Premyeradan 1 gün əvvəl Edisdən sənəd ala bilmədiyimiz üçün təqdimat ləğv olundu. Təbii ki, Ayşe Barım arxa planda işləməyə davam edirdi. Komandamın üzvü ilə PR edən şirkətlərdən birinə getdik. Orada dedilər ki, reklam edəcəyik, amma Ayşe Barım qarışsa filmdən heç kim xəbər tutmayacaq. Eyni şey baş verdi. Film haqqında heç kim eşitmədi, bilmədi”.

Aysel Şahmar