Məşhur aktyor ürək çatışmazlığından vəfat etdi - FOTO

Amerikalı aktyor Steysi Kiç 85 yaşında vəfat edib.

Publika.az xəbər verir ki, bu barədə “Variety” jurnalı onun həyat yoldaşı Malqojata Tomassiyə istinadla məlumat yayıb.

Onun sözlərinə görə, aktyor Polşanın Maqdalеnka şəhərindəki ailə evində “ürəyin ağır xəstəliyi və ürək çatışmazlığı ilə uzun və çətin mübarizədən sonra” dünyasını dəyişib.

“Steysi təkcə bütün dünyada tamaşaçıların heyran olduğu və sevdiyi əfsanəvi aktyor deyil, həm də mənim sevimli həyat yoldaşım, həyat yoldaşım və ailəmizin ürəyi idi. Onun vəfatı həyatımızda ölçüyəgəlməz bir boşluq yaradıb. Lakin onun qeyri-adi ruhu, unudulmaz səsi və səxavətlə bəxş etdiyi sevgisi əbədi olaraq bizimlə qalacaq”, – deyə Tomassi bildirib.

Steysi Kiç 1941-ci il iyunun 2-də ABŞ-ın Corciya ştatının Savanna şəhərində anadan olub. O, Berkli, Yel universitetlərində və London Teatr Sənəti Akademiyasında təhsil alıb.

Aktyor “Yağlı şəhər”, “Yeni senturionlar” filmlərindəki rolları, eləcə də Mikki Spillеynin əsərləri əsasında çəkilmiş televiziya filmləri və serialında özəl detektiv Mayk Hammer obrazı ilə tanınıb.

Hüseyn İbadlı