Maraq dünyası

Ağcaqanadlardan qurtulmaq üçün sadə və effektiv üsul - - FOTO/VİDEO

6 Avqust 2017 00:27

Amerikalı Den Rohas moskitlərdən və ağcaqanadlardan qurtulmaq üçün sadə, ucuz və effektiv metod fikirləşib.

Publika.az xəbər verir ki, o, pitbull cinsindən olan Rokki adlı itinin qəfəsinin iki tərəfinə sənaye ventilyatorları qoyub, sonra həmin ventilyatorların bir tərəfinə narın hücrəli tor çəkib.

Ağcaqanadları insanların və heyvanların tənəffüsü zamanı ayrılan karbon qazı cəlb etdiyindən həşəratlar ventilyatora tərəf uçmağa başlayıblar.

"Tələ"ni daha effektiv etmək üçün mineral sudan da istifadə etmək olar. Mineral su olan butulkanın ağzını açıq qoysanız o, ağcaqanadları cəlb edəcək", - D.Rohas söyləyib.

Den Rohasın dediyinə görə, bu minvalla gün ərzində ən azı 8 min ağcaqanad öldürür.

O, torun üzərindəki spirtin buxarlandığını və zərərsiz olduğunu deyib. (milli.az)