Yatdığınız çarpayının üzərində minlərlə bakteriyanın olduğunu BİLİRDİNİZMİ? - - VİDEO

Gün ərzində evdə, işdə, küçədə keçirdiyimiz vaxt ərzində havada olan bütün görünməz mikroblar, viruslar üzərimizə hopur. Bununla heç bir mübarizə aparmırıq. Edəcəyimiz ən yaxşı iş hər gün duş qəbul etmək, geyimlərimizi dəyişmək, təmiz geyimlərdən istifadə etməkdir. Bəs heç düşünmüsüzmü ki, insan bədənində, dəri ilə təmasda olan mikroblar bəzən dərinin incə qatlarına keçərək müxtəlif reaksiyalara səbəb olur. Bununla yanaşı, hər gün yatmağa uzandığımız çarpayının üzərində minlərlə bakteriyanın olduğunu bilirdinizmi?

Publika.az xəbər verir ki, amerikalı alimlər çarpayının üzərindəki yorğan-döşəyin mikroskop altındakı görüntüsünə baxıblar. Görüntülərdə həftələrlə əyişilməyən yorğan-döşək üzlüklərinin nə qədər çirkli olduğu məlum olub. Təbii ki, bu mikroblar insan orqanizminə ciddi şəkildə ziyan vurur.

Bu mikrobların bir qismi nəfəs aldığımız zaman tənəffüs yolu vasitəsilə orqanizmə daxil olur. Digər bir qismi isə fəal şəkildə yayılaraq müxtəlif dəri xəstəliklərinə gətirib çıxara bilir. Bu səbəbdən alimlər hər gün yatdığımız çarpayıların üzlüklərini dəyişməyi tövsiyə edir.

Özünüzü xəstəliklərdən qorumaq istəyirsinizsə, bu normalara ciddi şəkildə, xüsusi həssaslıqla riayət etməlisiniz.

Könül Cəfərli