Putin Poroşenkonun zənglərini NİYƏ AÇMIR? – Özü AÇIQLADI
Bizi izləyin

MDB

Putin Poroşenkonun zənglərini NİYƏ AÇMIR? – Özü AÇIQLADI

Rusiya prezidenti Vladimir Putin ukraynalı həmkarı Pyotr Poroşenkonun telefon zənglərinə məhəl qoymamasının səbəbini izah edib.

Publika.az “RİA-Novosti” agentliyinə istinadən xəbər verir ki, Rusiya lideri Poroşenkonun seçki kampaniyasında iştirak etməyi arzulamadığını bildirib.

Dövlət başçısının sözlərinə görə, iş onda deyil ki, o, Poroşenkoyla danışmaq istəmir. Rusiya lideri qeyd edib ki, Ukrayna prezidenti təxribatlar yaradır, məsuliyyəti Moskvanın üzərinə qoyur və yaranmış problemləri özü həll etdiyini göstərməyə çalışır.

“Mən bu kombinasiyalarda iştirak etmək istəmirəm və etməyəcəm”, - Putin vurğulayıb.

Xatırladaq ki, noyabrın 25-də Rusiya sərhədçiləri Kerç boğazında silah tətbiq edərək Ukrayna Hərbi-Dəniz Qüvvələrinin üç gəmisini saxlayıb. Nəticədə, 3 Ukrayna hərbçisi yaralanıb. Bundan başqa, 24 Ukrayna hərbçisi saxlanılıb. Ötən gün məhkəmə 24 dənizçidən 15-i barədə həbs qəti-imkan tədbiri seçib.

Pyotr Poroşenko bildirb ki, Rusiya prezidenti Vladimir Putinlə telefon söhbəti etmək istəsə də, mənfi cavab alıb.

“Gecə dərhal Rusiya prezidenti Putinlə danışığı sifariş etdim, biz cavab almadıq. Və mən Almaniya kansleri Merkelə müraciət etməyə məcbur oldum ki, o, Ukrayna döyüşçülərinin və gəmilərin təcili azad edilməsi məqsədi ilə Putinlə danışsın”, - Poroşenko deyib.

Ömər

Oxumağa davam et
Reklam
Reklam

Gündəm