Lukaşenkonun səhvləri Belarusu Rusiyanın tutmasına... - SENSASİYALI AÇIQLAMA

Prezident Aleksandr Lukaşenko Belarusda hakimiyyətdə olduğu müddətdə bir sıra səhvlər etdi. Bu səhvlər indi Kremlə öz şərtlərini diktə etməyə və faktiki olaraq ölkəni Rusiyaya “birləşdirməyə” imkan verir.

Publika.az xəbər verir ki, bu sözləri Ukraynanın “Apostrof” nəşrinə Belarusun siyasi və ictimai xadimi, Xristian Demokratiyası Partiyasının həmsədri Vitali Rımaşevskiy bildirib.

“Ən ciddi səhv onun idarəçiliyin lap əvvəlində edilmişdi. O, SSRİ-nin reanimasiyası şüarları altında hakimiyyətə gəldi və hətta canlandırılmış İttifaqın lideri olmağa çalışırdı. Məhz Lukaşenko bu ideyaya təsir etdi, o vaxt Rusiyada yüksək reytinqə malik idi. Lukaşenko Rusiya ilə inteqrasiya ideyasına təsir etdi. Bu, Belarusu iqtisadi, siyasi və hərbi planda Rusiyanın girovu etdi”, - o qeyd edib.

Rımaşevskiyin sözlərinə görə, Lukaşenko birinci 15 il ərzində Belarus dili və milli mədəniyyətin əhəmiyyətini müntəzəm azaldaraq, rusiyayönlü agentləri güc strukturlarına tətbiq edərək bu planı müntəzəm reallaşdırmağa çalışırdı.

“Xatırladım ki, Belarusda ideoloqlar ictimai sənayedə, universitetlərdə və orduda Rusiya ilə ittifaq və vahid xalq ideyalarını təbliğ edirdilər. Son 5 ildə Lukaşenko öz səhvlərini anladı, ancaq onun Rusiyada hakimiyyəti ələ keçirmək şansları sıfıra endirilib. Lukaşenko anlayır ki, Belarusu sadəcə böyük dövlət çərçivəsində məhv edəcəklər, ya da kiçik vassal edəcəklər. Buna görə də Belarusda siyasəti tədricən dəyişməyə başladı: iqtisadiyyatın diversifikasiyası haqqında çox danışırlar, Belarus dili sahəsində yumşaltmalar var, milli mədəniyyətin təbliğatı aparılır. Amma vaxt əldən gedib”, - Rımaşevskiy vurğuladı.

Ömər