MDB

Bu türk ölkəsinin adı dəyişdirilə bilər

23 Yanvar 2019 16:46

Qazaxıstan parlamentinin deputatı “Ak jol” Demokrat Partiyasının fraksiyasının rəhbəri Azad Peruaşev ölkənin adının dəyişdirilməsini təklif edib.

Publika.az “RİA-Novosti” agentliyinə istinadən xəbər verir ki, onun sözlərinə görə, Qazaxıstan adı “Qazax Respublikası” ilə əvəzlənməlidir.

“Biz hökumətə “Qazax Respublikası” rəsmi adının tətbiqinin imkanına baxmağı təklif etdik”, - Peruaşev jurnalistlərə deyib.

O qeyd edib ki, bu təklif onun fraksiyasının üzvləri tərəfindən dəstəklənib.

Deputatın fikrincə, bu, tarixi ədalət məsələsidir. Millət vəkili yeni adın 2020-ci ildə SSRİ-nin tərkibində Qazax Sovet Sosialist Respublikasının yaradılmasının 100 illik ildönümü ilə bağlı verilməsini təklif edib. Deputat xatırladıb ki, hələ 2014-cü ildə Prezident Nursultan Nazarbayev Qazaxıstan adının Qazax Elinə (Qazax Respublikası) dəyişdirilməsi təklifini irəli sürmüşdü.