Zelenski referenduma gedir: Rusiya ilə danışıqlar...
Bizi izləyin

MDB

Zelenski referenduma gedir: Rusiya ilə danışıqlar...

Ukrayna prezidenti Vladimir Zelenski Rusiya ilə danışıqlar prosesinin formatı haqqında referenduma təşəbbüs edir.

Publika.az “RİA-Novosti” agentliyinə istinadən xəbər verir ki, bu haqda Ukraynanın prezident administrasiyasının başçısı Andrey Boqdan bildirib.

"Biz təkcə deputatlar və prezidentin deyil, həm də Ukrayna xalqının qərar qəbul etməsi üçün bu məsələnin referendumuna çıxarılmasını nəzərdən keçiririk", - o, "112 Ukrayna" telekanalının efirində bildirib.

Onun sözlərinə görə, referenduma Rusiya ilə sülh danışıqlarının nailiyyətləri və Donbass münaqişəsi üzrə qərar barədə məsələ çıxarılacaq.

Prezdent administrasiyasının başçısı qeyd edib ki, Zelenskinin komandası referendum haqqında qanunu qəbul etməyi planlaşdırır.

Zelenski andiçmə mərasimində bildirmişdi ki, Donbas münaqişəsinin nizama salınması üzrə dialoqa hazırdır. Moskvada ilə vurğulayıblar ki, yeni prezidentdən Ukraynanın cənub-şərqində münaqişənin həlli üzrə siqnallar və yeni addımlar gözləyir.

Oxumağa davam et
Reklam
Reklam

Gündəm