Türk dövlətinin biri hazırlayacaq, digəri qablaşdıracaq - YENİ PEYVƏND

Qazaxıstanlı alimlәrin yeni növ koronavirus epidemiyasına qarşı hazırladığı vә "QazVac" olaraq adlandırılan peyvәnd Türkiyәdә qablaşdırılacaq.

Publika.az xəbər verir ki, bu barәdә Qazaxıstan Baş nazirinin müavini Yeralı Tuqjanov jurnalistlәrә verdiyi bәyanatda bildirilib.

O, "QazVac" peyvәndinin aprelin 21-dә beynәlxalq standartlara uyğun sınaqlarının tamamlanacağını deyib:

"Daha sonra Sәhiyyә Nazirliyi tәrәfindәn peyvәndin bütün kliniki sınaqları qiymәtlәndirilәcәk vә sınaqlarla bağlı yekun hesabat yayımlanacaq".

Tuqjanov vurğulayıb ki, "QazVac" peyvәndinin ilkin mәrhәlәdә Türkiyәdә hazırlanması üçün müqavilә bağlanıb:

"Qazaxıstanın koronavirusa qarşı hazırladığı peyvәndin 500 min dozasını Türkiyәdә istehsal etmәyi hәdәflәyirik. Peyvәnd istehsalında yerli mәhsullar istifadә edәcәyik. Türkiyәdә yalnız qablaşdırılacaq".

Qazaxıstanın Bioloji Təhlükəsizlik Tədqiqat İnstitutunun alimləri tərəfindən hazırlanan "QazVak" peyvəndin insanın biseps əzələlərinə tәbiq olunduğu bildirilir.