Bu ölkədə Əfqanıstan üçün humanitar mərkəz yaradıldı
Bizi izləyin

MDB

Bu ölkədə Əfqanıstan üçün humanitar mərkəz yaradıldı

Qazaxıstanın Almatı şəhərində Əfqanıstana yardım göstərmək üçün beynəlxalq mərkəz yaradılacaq.

Publika.az xəbər verir ki, bu barədə Qazaxıstan Xarici İşlər Nazirliyi məlumat yayıb.

Almatı şəhərinin Əfqanıstana bütün yardımları, ilk növbədə ərzaq yardımını çatdırmaq üçün BMT-nin beynəlxalq logistika mərkəzi olaraq istifadə edilməsi ideyası bu ölkədə humanitar fəlakətin qarşısını almaq üçün dünya ictimaiyyətinin səylərinə praktiki yardım göstərmək məqsədi daşıyır.

Qazaxıstan prezidentinin bu təşəbbüsünə BMT rəsmilərindən ilkin olaraq müsbət fikir alınıb.

Qazaxıstan Xarici İşlər Nazirliyinin məlumatında deyilir ki, Almatı iqtisadiyyatın çöküşünün, qaçqın axınının artmasının və humanitar xarakterli digər mənfi nəticələrin qarşısını almaq üçün Əfqanıstana beynəlxalq yardımların koordinasiya mərkəzi ola bilər.

Xatırladaq ki, bu il sentyabrın 17-də Qazaxıstan prezidenti Kasım-Jomart Tokayev Şanxay Əməkdaşlıq Təşkilatının Düşənbədə keçirilən sammitində Almatıda Əfqanıstan üçün humanitar mərkəzin açılmasını təklif etmişdi.

Oxumağa davam et
Reklam
Reklam

Gündəm