MDB

Putin: Onları yüz faiz məhv edəcəyik

26 Dekabr 2022 09:19

"Onları 100 faiz vuracağıq. Patriotlar olduqca köhnə sistemlərdir"

Publika.az xəbər verir ki, bu sözləri Rusiya prezidenti Vladimir Putin deyib. Həmçinin o vurğulayıb ki, ABŞ-ın Kiyevə göndərməyə qərar verdiyi "Patriot" hava hücumundan müdafiə sistemləri artıq Rusiya üçün əsas hədəf olacaq.

O, hətta Rusiyanın S- 300 hava hücumundan müdafiə sisteminin "Patriot"lardan daha yaxşı olduğunu bildirib:“Mən onun məhv ediləcəyinə 100 faiz əminəm”.

Ukrayna ilə başlayan danışıqlarda masanı tərk edən tərəf olmadıqlarını bildirən Putin, "Biz bu prosesdə məqbul mövzularda tərəflərlə danışıqlar aparmağa hazırıq. Danışıqlardan imtina edən biz deyildik. Bu, onların işidir. Amma təəssüf ki, qarşı tərəf fərqli uydurmalar etdi. Onlar sərt hərbi hərəkətlərə keçdilər" deyib.

Dövlət başçısı son olaraq vurğulayıb ki, Qərbin niyyəti Rusiyanı parçalamaqdır və onlar bu mövzuda əllərindən gələni edirlər.

Ayşən