Belarusda 1,5 milyon insan səfərbər oluna bilər

Belarusda hərbi vəziyyət elan olunarsa, 1,5 milyon insan səfərbər oluna bilər,

Publika.az xəbər verir ki, bu barədə "BelTA" Respublika Təhlükəsizlik Şurasının dövlət katibi Aleksandr Volfoviçə istinadla xəbər verir.

O, bunu xalq milisləri haqqında qanun layihəsinin müzakirəsi zamanı deyib.

"Bəlkə də bəzi gizli məlumatları, dövlətin hərbi təşkilatının strukturlarını, silahlı qüvvələri açıqlamasam, hərbi vəziyyət elan edilərsə və iqtisadiyyat hərbi relslərə köçürülsə,dövlətin hərbi təşkilatlarını haradasa 1,5 milyona qədər insan təşkil edəcək. Əhalimiz 9 milyondan çoxdur, buna görə qalan 8 milyon, əlbəttə ki, sənayedə işləyəcək, öyrədəcək, müalicə edəcək, taxıl yetişdirəcək", - Volfoviç deyib.

Onun sözlərinə görə, xalq milisləri yerli hüquq-mühafizə orqanlarına təxribat-kəşfiyyat qruplarını aşkar etməkdə, banditizmlə mübarizədə, talançılığı dayandırmaqda və ümumiyyətlə, ictimai asayişi qorumaqda köməklik göstərəcəklər.

Qanun layihəsinə əsasən, xalq milislərinin formalaşdırılması ilə bağlı vəzifələr yerli özünüidarə orqanlarına həvalə olunacaq.

Hüseyn İbadlı