MDB

Zelenskidən Tatarskinin qətlinə MÜNASİBƏT

3 Aprel 2023 17:36

Ukrayna prezidenti Vladimir Zelenski müharibə müxbiri Vladlen Tatarskinin qətlində maraqlı olmadığını bildirib.

Publika.az “Ukrinform”-a istinadla xəbər verir ki, Çerniqov vilayətinin Yaqodnoye kəndinə səfəri zamanı Zelenski Rusiyanın deyil, öz ölkəsinin taleyi barədə düşündüyünü qeyd edib.

“Sankt-Peterburqda və ya Moskvada nə baş verdiyi haqda düşünmürəm. Rusiya bu barədə düşünməlidir. Mən ölkəmiz haqqında düşünürəm”, - Zelenski deyib.

Ötən gecə Sankt-Peterburqda Universitetskaya sahilindəki kafedə partlayış baş verib. Həmin vaxt müəssisədə hərbi müxbir Vladlen Tatarskinin yaradıcılıq gecəsi keçirilib. Partlayış nəticəsində jurnalist yerindəcə keçinib, daha 30-a yaxın insan yaralanıb. Peterburq sakini Daria Trepova qətldə şübhəli bilinərək saxlanılıb . Versiyalardan birinə görə, partlayışın mənbəyi Trepovanın tədbir başlamazdan əvvəl hərbi komandirə təhvil verdiyi heykəlcik olub.

Akqabay