MDB

Çeçenistanda iki yeni alay yaradıldı: Ukraynaya göndərilir

10 İyun 2023 20:24

Yaxın vaxtlarda Müdafiə Nazirliyinin təcrübəli döyüşçülərdən ibarət iki yeni alay - "Axmat-Rusiya" və "Axmat-Çeçenistan" xüsusi hərbi əməliyyat zonasına göndəriləcək.

Publika.az xəbər verir ki, bu barədə Çeçenistan rəhbəri Ramzan Kadırov məlumat verib.

O bildirib ki, Çeçenistan Respublikasından olan 42-ci diviziya Zaporojye vilayətində 58-ci ordunun tərkibində döyüşür.

Kadırovun sözlərinə görə, Zaporojye vilayətində 42-ci diviziyanın 6000-dən çox çeçen döyüşçüsü var. O, həmçinin bildirib ki, “Şimal-Axmat” xüsusi təyinatlıların 78-ci motoatıcı alayı hazırda “Axmat” xüsusi təyinatlıları, habelə Rusiya Qvardiyasının Çeçenistan Respublikasındakı İdarəsinin döyüşçüləri ilə birlikdə Maryinski istiqamətində döyüş əməliyyatlarında iştirak edir. 94-cü və 96-cı alaylar və OMON “AXMAT-1” bütün təmas xəttindədir.

Qeyd edilib ki, "Axmat-Rusiya" və "Axmat-Çeçenistan" alayı yeni yaradılıb.

Hüseyn İbadlı