Terrorçuların qonşuları danışdılar: Nə işlə məşğul olublar, ailələri haqda nə məlumdur?

“Crocus City Hall”a hücum edən terrorçulardan birinin - 25 yaşlı Şəmsidin Fəriduni qonşuları cinayətkarın mənzilinə gələn jurnalistlərə onun ailəsi barədə danışıb.

Publika.az xəbər verir ki, hüquq-mühafizə orqanlarının əməkdaşlarının Fəriduninin qeydiyyatda olduğu mənzili möhürlədiyi məlum olub.

Yerli sakinlərin sözlərinə görə, onlar kişinin özünü görməsələr də, onun ailə üzvləri - üç azyaşlı uşağı olan asiyalı qadınla tanış olublar. Onların dediyinə görə, hamısının yaşı yeddidən çox deyil. Eyni zamanda məhkəmədə terrorçunun səkkiz aylıq övladı ilə bağlı məlumat da açıqlanıb.

Həmçinin qeyd edilir ki, Fəriduninin evində axtarış aparılarkən girişdə olan bütün sakinlər təxliyə edilməli olub. Hüquq-mühafizə orqanları əvvəlcə mənzilin içərisində partlayıcı maddələrin və ya cinayətkarların ortaqlarının ola biləcəyindən ehtiyat edirdilər.

Şəmsidin Fəriduninin hələ 2023-cü ilin yazında Moskva yaxınlığındakı Podolsk sakinini öldürməklə hədələdiyi barədə məlumatlar da ortaya çıxıb. Klimovsk mikrorayon sakininin sözlərinə görə, ötən ilin yaz aylarında itini gəzdirərkən saxlanılan şəxs avtomobillə onun qarşısında dayanıb və onu təhqir etməyə başlayıb.

O, itin adının nə olduğunu soruşaraq dərhal ünsiyyətə başladı. Onun tamam sərxoş olduğunu gördüm. Rus qadının sözlərinə görə, Fəriduni onu söyməyə və hədələməyə başlayıb. Hadisədən sonra o, polisə müraciət etsə də, əcnəbi tapılmayıb.

Məlumdur ki, Fəridunu terror aktından əvvəl bir neçə dəfə “Crocus City Hall”da görüblər. O, kompleksə ərazini öyrənmək üçün gəlib . Belə ki, “Crocus”un 16 yaşlı əməkdaşı hücumçunu faciədən bir neçə həftə əvvəl gördüyünü paylaşıb.

“Crocus”a hücumda şübhəli bilinən digər şəxsin, 32 yaşlı Dalerjon Mirzoyevin qonşusunun sözlərinə görə, cinayətkar Novosibirskdə idmanla məşğul olurmuş, xüsusən də güləşi çox sevirmiş.

“O, mənimlə eyni mikrorayonda, Zatulinski yaşayış massivində yaşayırdı. Mən də MMA üçün “Zeus” idman klubuna gedirdim. Onu orada görmüşəm”, - qonşu deyib.

Saxlanılan şəxsin digər qonşuları bildiriblər ki, o, bu ilin yanvar ayına kimi Novosibirsk şəhərinin Sorge küçəsində qohumlarının evində yaşayıb. Mənzilin digər sakinləri martın 25-də səhər saatlarında oradan çıxıblar.

Cinayətkarın yaxınlarından birinin dediyi kimi, hücumdan əvvəl onun davranışında qeyri-adi heç nə olmayıb. Vətənində terrorçunun, məlum olduğu kimi, dörd övladı və arvadı var. O, ali təhsil almayıb - yalnız məktəbi bitirib. Tacikistanda Mirzoev vəsiqə alıb taksi sürməyə başlayıb, sonra Rusiyaya işləməyə gedib. Cinayətkar özü qohumuna gündə təxminən 1500-2000 rubl qazandığını və bu pulu anasına göndərdiyini deyib.

Ən gənc terrorçu, 19 yaşlı Fayzovun qonşuları da danışıblar.

19 yaşlı Məhəmmədsobir Fayzov kifayət qədər uğurlu bərbər olub və İvanovo şəhərinin Poqraniçnıy küçəsində beşmərtəbəli mənzildə yaşayırmış.

Eyni zamanda, terrorçunun tanışlarının dediyinə görə, o, kifayət qədər bahalı salonlarda işləyib və öz daimi müştərii bazasına malik olub. Müştərilərindən biri qeyd edib ki, Fayzov rus dilində danışmaqda çətinlik çəkib.

Məlum olub ki, Fayzov yoxsulluq içində yaşamayıb. İş yerində onu sakit insan kimi qələmə veriblər.

Tural