Prezidentin istefası qaçılmazdır - İrakli Kobaxidze XƏBƏRDARLIQ ETDİ

Gürcüstan prezidenti Salome Zurabişvili vəzifəsini tərk etməli olacaq.

Publika.az "RİA Novosti"yə istinadən xəbər verir ki, bunu Gürcüstanın baş naziri İrakli Kobaxidze parlamentdə keçirilən prezident seçkilərinin nəticələrinə dair məlumat verərkən deyib.

“Zurabişvili vəzifəsini tərk etməli olacaq”, - deyə o vurğulayıb.

Qeyd edək ki, dekabrın 13-də Gürcüstan prezidenti Salome Zurabişvili səlahiyyət müddəti başa çatdıqdan sonra Prezident Sarayını tərk etməyi planlaşdırmadığını bəyan edib. Onun fikrincə, qarşıdan gələn seçkilər qeyri-legitimdir.

Xatırladaq ki, dekabrın 14-də “Gürcü Arzusu” partiyasının namizədi Mixail Kavelaşvili səslərin hesablanmasının nəticələrinə əsasən, Gürcüstan prezidenti seçilmək üçün lazım olan 200 səsi toplayıb.

Qeyd edək ki, Gürcüstan parlamentində prezident seçkiləri bu dəfə yeni sistemlə keçirilib. Dövlət başçısını tarixdə ilk dəfə olaraq əhali deyil, 300 nəfərdən ibarət seçicilər kollegiyası – ölkə parlamentinin, muxtar respublikaların deputatları və deputatlar seçib.

Adəm Abbaslı