MDB

Kerç boğazında batan tankerin heyəti xilas edildi: ölən var - VİDEO/YENİLƏNİB

15 Dekabr 2024 15:35

Kerç boğazında qəzaya uğrayan "Volqoneft 212" tankerindən 13 dənizçi xilas edilib, onlardan birində həyat əlaməti yoxdur.

Publika.az xəbər verir ki, bu barədə "Mash" "Telegram" kanalı məlumat yayıb.

Hazırda xilasedicilər fəlakətlə üzləşən digər tankerdən - “Volqoneft 239”dan dənizçiləri xilas etməyə başlayıblar.

***

"Mi-8 helikopteri Kerç boğazında batmaq üzrə olan "Volqoneft-212" tankerinə doğru yola çıxıb.

Publika.az xəbər verir ki, bu barədə Rusiya Fövqəladə Hallar Nazirliyinin "Telegram" kanalında məlumat verilib.

“Gəmidə neft məhsulları olduğu məlumdur, sızma ilə bağlı məlumat dəqiqləşdirilir. Rusiya Fövqəladə Hallar Nazirliyinin Mi-8-i xilasedicilərlə birlikdə hadisə yerinə uçub", - məlumatda deyilir.

"SHOT" "Telegram" kanalı Kerç boğazında iki yük gəmisinin qəzaya uğradığını bildirib. Güclü dalğalar sahildən bir neçə kilometr aralıda "Volqoneft-212" və Volqoneft-239"u vurub.

***

Rusiyanın “Volqoneft-212” tankeri Kerç boğazında qəzalı vəziyyətə düşüb.

Publika.az ölkə mətbuatına istinadən xəbər verir ki, buna fırtına səbəb olub.

Hadisə sahildən 8 km məsafədə baş verib. Belə ki, tankerin burun hissəsi qopub. 13 nəfərlik heyət hazırda gəminin arxa hissəsində yardım gözləyir.

"Volqoneft-239" tankerinin də fəlakətlə üzləşdiyi bildirilir. Bu tankerin göyərtəsində isə 14 nəfər var.

Hər iki tanker 4 tondan artıq mazut daşıyır.

Ləman