MDB

Rusiyanın canlı itkiləri 780 mini keçdi - Baş Qərargah

26 Dekabr 2024 12:24

Son 24 saat ərzində müdafiə qüvvələri tərəfindən 1540 rus hərbiçisi, 24 artilleriya sistemi və 10 zirehli döyüş maşını zərərsizləşdirilib.

Publika.az xəbər verir ki, bu barədə Ukraynanın Silahlı Qüvvələrinin Baş Qərargahı məlumat yayıb.

Bildirilir ki, ümumilikdə, son 24 saat ərzində müdafiəçilər 1540 Rusiya döyüşçüsünü zərərsizləşdirib, 2 tank, 10 zirehli döyüş maşını, 24 artilleriya sistemi, 63 pilotsuz uçuş aparatı, 1 hava hücumundan müdafiə sistemi, 55 qanadlı raket və qarşı tərəfin 63 texnikası və tankerini sıradan çıxarıb.

Bu günə qədər Rusiya tərəfinin ümumi döyüş itkiləri təxminən 780,860 nəfər, 9630 tank, 19933 zirehli döyüş maşını, 21357 artilleriya sistemi, 1031 hava hücumundan müdafiə sistemi, 3003 qanadlı raket, 20971 operativ-taktiki PUA, 32180 maşın və tanker təşkil edir.

Adəm Abbaslı