MDB

Ata ev işlərində ona kömək etməyən 20 yaşlı oğlunu güllələyib öldürdü

11 Fevral 2025 06:16

Rusiyalı kişi ev işlərində ona kömək etməyən 20 yaşlı oğlunu öldürüb.

Publika.az xəbər verir ki, “Sapa” "Telegram" kanalının məlumatına görə, hadisə Rusiyanın Komi Respublikasında - şimaldakı ucqar Xaryaqa kəndində baş verib.

Nahar zamanı 47 yaşlı Pavel ev işlərində ona kömək etməkdən imtina edən 20 yaşlı oğlu İvanı danlayıb. İvanın anası mübahisəni dayandırmağa çalışsa da, evdə dava düşüb. Qadın qonşuları köməyə çağırmaq qərarına gələrək küçəyə qaçıb və orada atəş səsləri eşidib. O, evə qayıdanda ərini və oğlunu qan içində görüb. Məlum olub ki, Pavel İvanın qarnına atəş açıb və daha sonra özünü güllələyib.

Hadisə yerinə təcili yardım gəlsə də, oğlanın həyatını xilas etmək olmayıb.

Hüquq-mühafizə orqanlarının əməkdaşları əvvəllər oğurluğa görə məhkum olunmuş ev sahibinin silah saxlamağa icazəsinin olmadığını müəyyən ediblər.

Faktla bağlı araşdırma aparılır.

Ləman