Avropa Ukraynaya 20 milyon ayırdı: Kəşfiyyat üçün

Böyük Britaniya və Latviyanın başçılıq etdiyi Ukraynaya pilotsuz uçan aparatların tədarükü koalisiyasına daxil olan Qərb ölkələri kəşfiyyat xarakterli dronların (ISR) alınması üçün Kiyevə 20 milyon avro ayırıb.

Publika.az xəbər verir ki, bu barədə Ukrayna Müdafiə Nazirliyinin mətbuat xidməti məlumat yayıb.

Bildirilir ki, pul Ukraynaya yardım üçün ümumi fonddan ayrılacaq. Avadanlığın üç ay ərzində çatdırılması gözlənilir.

“Dron koalisiyası” 2024-cü ilin fevralında Ramşteyn formatının 19-cu görüşü zamanı yaradılıb, ideya Latviya tərəfindən irəli sürülüb. Assosiasiyanın məqsədi Ukraynanı PUA-lar, elektron müharibə və elektron əks-tədbir sistemləri və ölkənin hücum potensialını artırmaq üçün texnologiyalarla təmin etməkdir.

Qeyd edək ki, martın 20-də Almaniya kansleri Olaf Şolts bəyan edib ki, münaqişə bitdikdən sonra Ukraynanın özünün güclü və döyüşə hazır ordusu olmalıdır. Kansler qeyd edib ki, Avropa Kiyevi dəstəkləməyə davam etməli və respublika üçün yalnız ədalətli sülhün mümkün olması mövqeyindən çıxış etməlidir.

Adəm