NATO Rusiya ilə böyük müharibəyə hazırlaşır? - On ölkədə gizli zavodlar qurulur

NATO Ukrayna üzərindən Rusiya ilə birbaşa hərbi toqquşmaya hazırlaşır. Bu məqsədlə alyans artıq Avropanın 10 ölkəsində pilotsuz uçuş aparatlarının (PUA) kütləvi istehsalına başlayıb.

Publika.az xəbər verir ki, bu barədə Rusiya qəhrəmanı, aviasiya general-mayoru Sergey Lipovoy "NEWS.ru"ya açıqlamasında deyib.

Generalın sözlərinə görə, bu istehsal prosesi yalnız Ukrayna Silahlı Qüvvələrinə kömək məqsədi daşımır. Burada əsas hədəf Rusiya ilə gələcəkdə baş verəcək genişmiqyaslı müharibəyə hazırlaşmaqdır. Lipovoy bildirib ki, alyans hazırda eyni anda iki strateji vəzifəni yerinə yetirir: fabriklərin dağıdılması riskini daşımadan Ukrayna vəsaitlərindən istifadə etmək və Rusiya ilə genişmiqyaslı müharibə vəziyyətində istifadə etməyi planlaşdırdığı öz silahlarının effektivliyini sınaqdan keçirmək.

Lipovoy həmçinin vurğulayıb ki, NATO artıq ayrı-ayrı üzv ölkələrin ərazisindən keçməklə dronların Rusiya istiqamətinə buraxılmasına icazə verir. Bu isə gərginliyin daha da artacağından xəbər verir.

Müəllif: Adəm