MDB

Növbəti cəsəd mübadiləsi: Rusiya Ukraynaya 1000 meyit qaytardı

9 Aprel 2026 17:07

Rusiya və Ukrayna arasında növbəti dəfə həlak olmuş hərbçilərin cəsədlərinin mübadiləsi həyata keçirilib.

Publika.az TASS-a istinadən xəbər verir ki, bu barədə rəsmi mənbələr məlumat yayıb.

Bildirilir ki, sonuncu mübadilə prosesi çərçivəsində Rusiya tərəfi Ukraynaya 1000 hərbçinin meyitini təhvil verib. Ukrayna isə öz növbəsində Rusiyaya 41 hərbçinin cəsədini qaytarıb.

“Rusiya Ukraynaya 1000 həlak olmuş hərbçinin cəsədini verib, Ukrayna tərəfi isə buna qarşılıq olaraq 41 rusiyalı hərbçinin qalıqlarını qarşı tərəfə ötürüb”, - deyə mənbə bildirib.

Qeyd edək ki, 2026-cı il fevralın 2-də Rusiya Xarici İşlər Nazirliyi repatriasiya prosesinin genişmiqyaslı statistikasına dair məlumat yayıb. Bildirilib ki, 2025-ci ilin iyunundan bəri davam edən proses nəticəsində Kiyevə 12 mindən çox hərbçinin meyiti təhvil verilib. Moskva isə bu müddət ərzində Ukraynadan 200-dən çox rusiyalı hərbçinin nəşini qəbul edib.

Müəllif: Adəm