Putin Məlikovu yola salır: Yerinə bu şəxs gələcək

Dağıstanın hazırkı rəhbəri Sergey Məlikov yaxın aylarda vəzifəsindən gedə bilər.

Publika.az xəbər verir ki, bu barədə “Vedomosti” və “RBC” qəzetləri məlumat yayıb.

Dağıstanlı ictimai-siyasi bloger Rəsul Maazov bildirib ki, Məlikov artıq istefa ərizəsi verib, lakin bu məlumat rəsmi təsdiqlənməyib. Mənbələrə görə, istefa qərarı daşqından əvvəl verilib.

Prezidentin Uzaq Şərq Federal Dairəsi üzrə səlahiyyətli nümayəndəsinin müavini Maqomed Ramazanov bu vəzifəyə əsas namizəd kimi nəzərdən keçirilir.

Aprel ayında o, Dağıstanda daşqının fəsadlarının aradan qaldırılması ilə bağlı Vladimir Putinlə görüşdə iştirak edib və bundan sonra Putin onu bölgədə işləməyə dəvət edib.

“The Insider” Dağıstan əsilli Maqomed Ramazanovun FSB-nin İqtisadi Təhlükəsizlik Xidmətinin “K” şöbəsinin keçmiş əməkdaşı olduğunu müəyyən edib. Nəşr qeyd edir ki, Dağıstan ənənəvi olaraq çətin bölgə hesab olunur və son illərdə ona təhlükəsizlik qüvvələrinin nümayəndələri rəhbərlik edir. (Globalinfo.az)