Ukrayna üçün həlledici görüş - Merts və Zelenski masaya oturur

Almaniya və Ukrayna arasında hərbi-siyasi əlaqələrdə yeni mərhələ başlayır. Almaniya Kansleri Fridrix Merts ukraynalı həmkarı Vladimir Zelenski ilə Berlində mühüm görüş keçirəcək.

Publika.az xəbər verir ki, bu barədə "Tagesschau" nəşri məlumat yayıb.

Məlumata görə, danışıqlarda hər iki ölkənin bir neçə naziri də iştirak edəcək. Xüsusilə, Almaniyanın müdafiə naziri Boris Pistorius ukraynalı həmkarı Mixail Fyodorovla təkbətək görüşərək hərbi əməkdaşlığın detallarını müzakirə edəcək. Tərəflərin əsas müzakirə mövzuları təhlükəsizlik sahəsindəki mövcud vəziyyət, Ukraynanın NATO-ya üzvlük perspektivləri və Kiyevə göstərilən hərbi-maliyyə dəstəyinin artırılması olacaq.

Xatırladaq ki, bundan əvvəl Zelenskinin müharibənin həlli ilə bağlı danışıqları qəsdən yubatdığına dair iddialar yayılmışdı. Bəzi siyasi ekspertlərin fikrincə, Ukrayna hakimiyyəti ABŞ-da Konqres seçkilərindən sonra Vaşinqtonun siyasətində baş verə biləcək dəyişikliklərə ümid edərək vaxt qazanmağa çalışır.

Müəllif: Adəm