MDB

Kazanda barıt zavodunda güclü partlayış - Yaralılar var

14 Aprel 2026 21:00

Kazanda barıt zavodunda partlayış baş verib

Publika.az xəbər verir k, bu barədə “Kazan First” “Telegram” kanalı məlumat yayıb.

“Partlayış bu axşam Kirov rayonundakı müəssisələrdən birində baş verib. Hadisə nəticəsində üç nəfər xəsarət alıb” - məlumatda deyilir.

Bilirilib ki, yaralılara lazımi köməklik göstərilir. Hadisə yerinə bütün operativ xidmətlər cəlb olunub, insanlar üçün təhlükə yoxdur.

Hakimiyyət orqanlarının verdiyi məlumata görə, müəssisədə texnoloji proses dayandırılmayıb.

Mənbənin bildirdiyinə görə, partlayış saat 18:00 radələrində qeydə alınıb. Tatarıstan rəhbərinin administrasiyasından hadisənin texnogen xarakterli olduğu bildirilib. Müəssisənin yerləşdiyi Kazanın Kirov rayonunda partlayış səsi barədə əvvəlcə yerli sakinlər məlumat verib. Onların sözlərinə görə, zavod tərəfdən güclü səs eşidilib, ardınca rayonda güclü dalğa hiss olunub. Müəssisənin yerləşdiyi ərazidə tüstü də müşahidə edilib.

Hüseyn İbadlı