Onunla qardaş kimiyik, mənim üçün nüvə silahını da işə salar - Lukaşenkodan şok etiraf

Belarus Prezidenti Aleksandr Lukaşenko verdiyi son müsahibədə şəxsi həyatı və müttəfiqi ilə bağlı səs-küy yaradacaq açıqlamalar verib.

Publika.az xəbər verir ki, Belarus liderinin dostu ilə bağlı dedikləri dünya mediasının manşetinə çevrilib.

Lukaşenko həmin şəxslə münasibətlərinin rəsmi protokol qaydalarını çoxdan keçdiyini deyib: "Biz onunla qardaş kimiyik. O, məni görmək və mənimlə dostluq etmək istəyir. Mən də onunla böyük məmnuniyyətlə dostluq edirəm. Ünsiyyətimiz çox yaxın şəxsi təmas üzərində qurulub".

Qeyd edək ki, Belarus liderinin bəhs etdiyi həmin şəxs Rusiya prezidenti Vladimir Putindir.

Lukaşenko eyni müsahibədə Ukrayna xalqının düşdüyü acınacaqlı vəziyyətə görə birbaşa Vladimir Zelenskini günahlandırıb. O bildirib ki, ukraynalılar bu gün Zelenskini prezident seçdikləri üçün çox ağır bədəl ödəyirlər.

Sonda Lukaşenko Putinin ona olan sadiqliyini bu sözlərlə ifadə edib: "Rusiya ehtiyac yaranarsa, Belarusu müdafiə etmək üçün nüvə silahından istifadə etməyə hazırdır. Mən buna tam əminəm".

Müəllif: Adəm