Donbas şaxtaları uğrunda döyüş: Rusiya strateji nöqtələri ələ keçirdi

Rusiya ordusu Dobropilye istiqamətində mühüm strateji mövqeləri ələ keçirərək irəliləməyə davam edir.

Publika.az xəbər verir ki, bu barədə hərbi müxbir Yuri Kotenok məlumat yayıb.

Bildirilir ki, Rusiya bölmələri Şevçenko qəsəbəsi yaxınlığındakı 2 nömrəli "Vodyanskaya" şaxtasının şərq hissəsində möhkəmlənə biliblər. Hazırda həmin ərazidə şiddətli döyüşlərin getdiyi, Rusiya qüvvələrinin Ukrayna bölmələrini ərazidən çıxarmaq üçün hücumları davam etdirdiyi bildirilir.

Bundan başqa, Novıy Donbas qəsəbəsi tərəfdən "Belitskaya" şaxtası istiqamətində də hücum əməliyyatları qeydə alınıb. Hərbi müxbirin sözlərinə görə, döyüşlər eyni zamanda Annovka, Kutuzovka yaşayış məntəqələri və Kuçerov Yar kəndi istiqamətində də kəskinləşib.

Belitski rayonunda isə hücum bölmələrinin şəhərin şimal-şərqində və şimaldakı meşə zolaqlarında irəlilədiyi iddia edilir. Rodinski və Novoaleksandrovka arasındakı sahədə isə strateji əhəmiyyətli meşəlik ərazilər uğrunda gərgin döyüşlərin getdiyi vurğulanır.

Müəllif: Adəm