Sızranda PUA hücumu nəticəsində yaşayış binası çökdü - Biri uşaq olmaqla...

Samara vilayətinin Sızran şəhərində Ukrayna PUA hücumu nəticəsində yaşayış binası qismən uçub.

Publika.az xəbər verir ki, bu barədə Rusiya Fövqəladə Hallar Nazirliyi məlumat yayıb.

Dağıntılar altında biri azyaşlı olmaqla iki nəfər qaldığı ehtimal ediir.

Region rəhbərliyi qeyd edib ki, binanın girişinin uçduğu ərazidə doqquz təcili tibbi yardım briqadası fəaliyyət göstərir. Dağıntılar altından xilas edilənlərə zəruri tibbi və psixoloji yardım göstərilir. Zərər çəkməmiş girişlərin sakinləri artıq təxliyə olunublar.

Xatırladaq ki, gecə saatlarında şəhərdə pilotsuz uçuş aparatlarının hücumu nəticəsində güclü partlayış səsləri eşidilib. Yerli sakinlər hava hücumundan müdafiə sistemlərinin işlədiyini, atışma səslərini və səmada parlaq işıqların göründüyünü bildiriblər. Şahidlərin sözlərinə görə, partlayışlar yerli vaxtla təxminən saat 03:00 radələrində başlayıb. Ümumilikdə, şəhər üzərində ondan çox güclü partlayış səsi qeydə alınıb və bu, həyəcan siqnalları ilə müşayiət olunub.

Hüseyn İbadlı