Rusiya səmasında gərgin gecə: Yüzlərlə PUA və raket...
Bizi izləyin

MDB

Rusiya səmasında gərgin gecə: Yüzlərlə PUA və raket...

Rusiya səmasında gərgin gecə: Yüzlərlə PUA və raket...

Rusiya Müdafiə Nazirliyi Ukrayna tərəfindən həyata keçirilən genişmiqyaslı hava hücumlarının qarşısının alındığını açıqlayıb.

Publika.az Rusiya mətbuatına istinadən xəbər verir ki, ötən gecə Bryansk vilayəti üzərində Ukraynaya məxsus təyyarə tipli 3 pilotsuz uçuş aparatı (PUA) hava hücumundan müdafiə sistemləri tərəfindən vurulub.

Nazirliyin mətbuat xidmətinin məlumatına görə, bölgədə dağıntı və itki qeydə alınmayıb.

Bundan əlavə, nazirliyin son sutka üzrə ümumi hesabatında rəqəmlərin kifayət qədər yüksək olduğu diqqət çəkir.

Bildirilir ki, sutka ərzində Rusiya regionları üzərində ümumilikdə 530 Ukrayna PUA-sı zərərsizləşdirilib.

Həmçinin, hava hücumundan müdafiə qüvvələri 7 idarə olunan aviabomba və ABŞ istehsalı olan HIMARS yaylım atəşli raket sisteminə məxsus 2 mərmini göydə məhv edib.

Qeyd edək ki, hərbi münaqişə başlayan dövrdən indiyədək vurulan Ukrayna PUA-larının ümumi sayının 138 mini keçdiyi vurğulanıb.

Müəllif: Adəm

Oxumağa davam et
Reklam
Reklam

Gündəm

Zəfaran Hospital
Səba