Zelenski Putin və Trampın atəşkəs təklifinə gözlənilməz reaksiya verdi

Ukrayna prezidenti Vladimir Zelenski ABŞ prezidenti Donald Tramp və Rusiya lideri Vladimir Putin arasında baş tutan telefon danışığından sonra xalqa müraciət edib.

Publika.az xəbər verir ki, Zelenski "Telegram" kanalında sülhdən danışıb.

Ukrayna lideri Rusiyanın irəli sürdüyü "qısamüddətli sükut" təklifi ilə maraqlandıqlarını gizlətməyib.

“Nümayəndələrimizə göstəriş vermişəm ki, ABŞ prezidentinin komandası ilə əlaqə saxlasınlar və Rusiyanın qısamüddətli atəşkəs təklifinin təfərrüatını aydınlaşdırsınlar. Söhbətin konkret nədən getdiyini öyrənəcəyik: Moskvadakı parad üçün bir neçə saatlıq təhlükəsizlikdən, yoxsa daha böyük bir şeydən? Ukrayna hər hansı layiqli və effektiv formatda bunun üçün işləməyə hazırdır”, - deyə o qeyd edib.

Xatırladaq ki, Putin Trampla telefon danışığı zamanı 9 May - Qələbə Günü münasibətilə Ukraynada müvəqqəti atəşkəs tətbiq etməyi təklif edib. Ağ Ev rəhbəri Donald Tramp bu təşəbbüsü dəstəkləyib.

Hər iki ölkə lideri hazırkı vəziyyətdə Kiyevin uduzan tərəf olduğunu və Ukrayna hakimiyyətinin bu reallığı nə qədər tez qəbul etsə, bir o qədər yaxşı olacağını vurğulayıblar.

Müəllif: Adəm