MDB

Zelenskinin Azərbaycanla bağlı təklifinə Moskvadan reaksiya

30 Aprel 2026 17:02

Rusiya Ukrayna ilə danışıqların Azərbaycanda keçirilməsi variantını müsbət qarşılamır.

Publika.az xəbər verir ki, bu barədə Rusiya prezidentinin mətbuat katibi Dmitri Peskov bildirib.

Kremlin rəsmi nümayəndəsi Ukrayna rəhbərliyinin Bakı ilə bağlı irəli sürdüyü təşəbbüsü şərh edərkən qısa cavab verib: “Hələlik bu barədə söhbət getmir”.

Xatırladaq ki, Ukrayna prezidenti Vladimir Zelenski Bakıya səfəri zamanı Azərbaycan ərazisində Rusiya və ABŞ nümayəndələrinin iştirakı ilə üçtərəfli görüş keçirməyə hazır olduğunu bəyan etmişdi.

Qeyd edək ki, Kremlin mövqeyinə görə, dövlət başçılarının görüşü yalnız konkret və hazır sənədlərin imzalanması (final mərhələsi) üçün mümkündür.

Xatırladaq ki, 2026-cı ilin əvvəlindən bəri tərəflər arasında üç məsləhətləşmə raundu keçirilib. Bunların sonuncusu fevralın ortalarında Cenevrədə baş tutub. Həmin görüşdən sonra Yaxın Şərqdə vəziyyətin gərginləşməsi səbəbindən sülh prosesində fasilə yaranıb.

Müəllif: Adəm